සතර අමා රස උල්පත වූ

රුහුණු බිමට මිණි පහනක් වූ

ගොඩපිටියේ මැදි විදුහල් මාතා

නමදිමු සිරස නමා……//

යහගුණ දහමින් ගත සැරසූ 

ශිල්ප සතර නැණ එලි දැල්වූ

විදුහල් මවුනේ ඔබෙ සිරි නාමය

මගෙ දිවියට දිව මතුරක් වේ……//

ජය මාවත ජය කෙහෙලි නගා

පෙරමුණ ගන්නට දිරිය වඩා

නදී නිල්වලා සිලි සිලි රාවය

ආසිරි ජය සක් පිඹිනු ඇසේ……//

ඔබ පා සෙවනේ සිසිල ලබා

ඔබෙ ගුණ සුවදින් සවිය ලබා

මගෙ හද මලසුන බැතිමල් පුද දී

ගුණ සමරා පා යුග වඳිමු……//

ගීත නිර්මාණය : එස්. මලල්ගොඩ