📗 ව්‍යවස්ථා සංග්‍රහය

⚠️ සැ . යු :- 2023.01.01 වන දින සිට බලපැවැත්වෙන පරිදී මාර/ගොඩපිටිය ජාතික පාසලේ ශිෂ්‍යනායක ක්‍රියාපටිපාටිය සංශෝධනය කෙර්. ඒ අනුව මීට ප්‍රථම ක්‍රියාත්මක වූ සියළු කාර්යය පටිපාටි අහෝසි වනු ඇත.

💎 නායක සංයුතිය  

🟢 ආධුනික, කනිෂ්ඨ සහ ජ්‍යෙෂ්ඨ ලෙස ශිෂ්‍යනායක මණ්ඩලය කොටස් 3කින් සමන්විතය.
🟡 ආධුනික නායකයින් 9 ශ්‍රේණියෙන් ද කනිෂ්ඨ ශිෂ්‍යනායකයින් 10 ශ්‍රේණියෙන් ද බඳවාගැනේ.
🟢 ආධුනික නායක මණ්ඩලය සාමාජිකයින් 20 දෙනෙකුගෙන් සමන්විත විය යුතුය.
🟡 කනිෂ්ඨ ශිෂ්‍ය නායක මණ්ඩලය 40 ( 10*4 ) දෙනෙකුගෙන් සමන්විත විය යුතුය.
🟢 11 ශ්‍රේණිය සහ උසස් පෙළ පන්තිවල ශිෂ්‍ය නායක නායිකාවන් ජේෂ්ඨ වේ.

💎බඳවා ගැනීමේ ක්‍රමවේදය 

🟡 ආධුනික ශිෂ්‍ය නායක නායිකාවන් තෝරා ගැනීමට අදාළ අයදුම්පත කැඳවන අවස්ථාවේදී ඊට කැමති 9 ශ්‍රේණියේ සිසුන් තම පන්තිභාර ගුරුවරයාට අයදුම්පත් ඉදිරිපත් කළ යුතුය.
🟢අයදුම්පත් සියල්ල පන්ති වශයෙන් වෙන් කර ඉන් සුදුසුම සිසුන් දස දෙනෙකුගේ අයදුම්පත් 10ක් තෝරා ඉදිරිපත් කිරීමේ වගකීම පන්තිභාර ගුරුභවතා සතුය.
🟡 එම අයදුම්පත් සංඛ්‍යාවේ එකතුව 40ක් වියයුතුය.
🟢 එම අයදුම්පත් තේරීමේදී දෙපාර්ශවයටම සමානාත්මතාවය හිමිවන පරිදී තෝරා දීම පිළිබඳව සැලකිලිමත් වීම වැදගත්ය.
🟡 මෙම අයදුම්පත් 40 සම්මුඛ පරීක්ෂණ මණ්ඩලයක් ඉදිරියේ සම්මුඛ පරීක්ෂණයට භාජනය කළ යුතුය.
🟢 එක පන්තියකින් 5 දෙනා බැගින් ඉතාම සුදුසු ශිෂ්‍ය ශිෂ්‍යාවන් 20දෙනා සම්මුඛ පරීක්ෂණ මණ්ඩලයට තෝරාගතයුතුය.
🟡සම්මුඛ පරීක්ෂණ මණ්ඩලය පහත පරිදී සකස් වේ.
       ⚜️ විදුහල්පතිතුමා, නියෝජ්‍ය විදුහල්පතිතුමා/තුමිය
       ⚜️ අංශ ප්‍රධාන – (6,7,8)
       ⚜️ අංශ ප්‍රධාන (9,10,11)
       ⚜️ ශිෂ්‍ය නායක මණ්ඩලය භාර ආචාර්යවරුන්ගෙන් දෙදෙනෙක්

💎 කනිෂ්ඨ ශිෂ්‍ය නායක මණ්ඩලය 

🟢 10 ශ්‍රේණායේ සියළුම ශිෂ්‍ය ශිෂ්‍යාවන්ට අයදුම් කිරීමේ අවස්ථාව හිමිවේ.
🟡 එම අයදුම්පත් සියල්ල සම්මුඛ පරීක්ෂණ මණ්ඩලයක් ඉදිරියේ නියම කරනු ලබන දිනක හෝ දිනවල සම්මුඛ පරීක්ෂණවලට කැඳවිය යුතුය.
🟢 ඒ අනුව එක පන්තියකින් 10 බැගින් බඳවා ගතයුතුය. (ගැහැණු ළමුන් 05 සහ පිරිමි ළමුන් 05 කි.)
නායකයින් 20ක් ද නායිකාවන් 20 ක් ද වශයෙන් සමන්විත විය යුතුය.
🟡පාසලේ සෙවයේ නියුතුව සිටි ගුරුභවතුන්ගේ දරුවන් ශිෂ්‍යනායක තනතුරට ඉල්ලුම් කලේ නම් ඔවුන්ට ප්‍රසාද ලකුණක් පිරිනැමේ.

⚙️ සම්මුඛ පරීක්ෂණ ව්‍යුහය 
       ⚜️විදුහල්පතිතුමා, නියෝජ්‍ය විදුහල්පතිතුමා/තුමිය
       ⚜️ශ්‍රේණිභාර අංශභාර ප්‍රධානී, ගුරුභවතුන්
       ⚜️9,10 ශ්‍රේණි ප්‍රධාන ගුරුභවතුන්
       ⚜️ශිෂ්‍ය නායක මණ්ඩලය භාර ගුරුභවතුන් දෙදෙනෙක්
       ⚜️පන්තිභාර ගුරුභවතුන් දෙදෙනෙක්

💎 ශිෂ්‍ය නායක මණ්ඩලය දිවුරුම්දීම  

🟢 නියමිත මාස තුනක පරිවාස කාලයකින් පසුව කාලානුරූපීව දිවුරුම්දීම නිල ලාංඡන පැළඳවීම සිදුවිය යුතුය. (ආධුනික සහ කනිෂ්ඨ මණ්ඩල යන දෙඅංශයම ඉහත නීතියට යටත් කරනු ඇත.)
🟡 දිවුරුම් දී නිල ලාංඡන පැළඳීමෙන් අනතුරුව ශිෂ්‍ය නායකයින් අත්දිග කමිසය ඇදීම අනිවර්ය වේ.
🟢 ශිෂ්‍ය නායිකාවන් කොන්ඩ දෙක කොළ පාට රිබන් එකකින් ගැටගසා තිබිය යුතුය.

💎 ශිෂ්‍ය නායක මණ්ඩලයේ විනය කලමණාකාරීත්වය 

🟡 නිල ලාංඡන නොපැලඳ සිටීම දඬුවමකට යටත් කළ හැකි වරදකි.
🟢පාසල් විනය නීතිරීති වලට නොගැළපෙන හැසිරීම (නිළ ඇඳුම, ප්‍රේම සම්භන්ධතා, අවනත නැති බද ආදී)
🟡නොසැලකිලිමත් ලෙස රාජකාරි සිදුකිරීම හා විනය විරෝධී කටයුතුවල යෙදීම / ඊට අනුබල දීම
🟢පාසලට ප්‍රමාදවී පැමිණිම.

ඉහත ඹ්නෑම විනය විරෝධී හැසිරීමකට අනුව නිල ලාංජන ගලවා මණ්ඩලයෙන් ඉවත් කිරීමේ බලතල විදුහල්පතිතුමා සතුය. ඒ අනුව විදුහල්පතිතුමා කැඳවන මණ්ඩලයේ සමාජිකයින් හමුවේ එය විභාග කර ඉවත් කිරීම, රඳවා ගැනීම හෝ පන්ති තහනමකට ලක් කිරීම අවසාන තීරණය ගනු ලබයි.

ශිෂ්‍ය නායක මෙන්ම අනෙකුත් සිසුන්ගේ විනය චර්යාවන් පිළිබඳව සොයා බැලීමේ වගකීම ආචාර්ය මණ්ඩලයේ සියළු දෙනාගේම වගකීම ලෙස සලකනු ලැබේ.

💎ප්‍රධාන ශිෂ්‍ය නායක තනතුරුවලට පත්කිරීම 

🟢ප්‍රධාන නායක තනතුරු 4ක් තෝරා ගත යුතු වන්නේ ජ්‍යෙෂ්ඨ ශිෂ්‍ය නායකයින්ගෙන් වන අතර, විදුහල්පතිතුමා ප්‍රමුඛ මණ්ඩලය මඟිනි.

🟡ප්‍රධන ශිෂ්‍ය නායක/නායිකා හෝ උප ප්‍රධාන නායක/නායිකා යම් අවස්ථාවක දී පුරප්පාඩු වුවහොත් වැඩ ආවරණය කිරීම සඳහා ‌ජ්‍යෙෂ්ඨ ශිෂ්‍ය නායක/නායිකාවන්ගෙන් කෙනෙකු තාවකාලිකව පත්කර ගත හැකිය. එය ඉදිරි නිළවරණය තෙක් වලංගු වන පරිදී සිදුවිය යුතුය.

💎ශිෂ්‍ය නායක මණ්ඩලය භාර ගුරුභවතුන් 

🟢විදුහල්පතිතුමා
🟡නියෝජ්‍ය විදුහල්පතිතුමා/තුමිය
🟢ශිෂ්‍ය නායක මණ්ඩලය භාර ප්‍රධාන ගුරුතුමා/තුමිය
🟡විදුහල්පතිතුමා නම් කරන ලද අනෙකුත් ගුරුභවතුන්

මෙයට,
01. විදුහල්පති, මාර/ ගොඩපිටිය මධ්‍ය මහා විද්‍යාලය, අකුරැස්ස.
02. ශිෂ්‍ය නායක මණ්ඩලය භාර ආචාර්ය මණ්ඩලය

දිනය :- 2023.01.01